WASPADA MRING SIPAT MENENG WIDARA ULEREN

ANGLELUHURI PITUTUR MBAH MO LAN MBAH TUN [56]:

WASPADA MRING SIPAT MENENG WIDARA ULEREN

Nyata sansaya sumrambah para pangageng lan pangarsa nagari ingkang kataman wuwu lajeng mlebet bui jalaran korupsi. Elokipun, sawetawis priyagung ingkang nyimpangi angger-angger nagari punika ketingalipun anteng meneng lan mundhi kabecikan. Kula kemutan pituturipun mbah Mo lan mbah Tun: “Sing sapa mbuwang ala bakal nemu becik, golek becik bakal lunga alane; sing sapa golek ala bakal lunga kabecikane”. Kaleresan kula [K] saged pinanggih mbah Mo [M] lan mbah Tun [T] ingkang nembe ngajari putunipun si Cemplon ngenam ron pandhan damel klasa.

[K]: Kenging napa ta mbah jaman sakniki kathah priyagung ketingalipun anteng meneng nanging malah mlebet bui jalaran korupsi?

[M]: Jare sapa? Wong meneng kuwi werna loro: wong kang ngenengake dayaning urip budi rasa alus, lan wong meneng jalaran lagi nangkarake dayaning urip kasar lan asor, yaiku meneng widara uleren.

[T]: Ngene ya ngger, wong ngenengake daya urip iku kang tansah rumangsa saru wirang lan isin marang Gusti yen duwe krenteg ala sajrone atine, isin anggone ora pisan males sih katresnaning Gusti. Dene meneng widara uleren ya wong kang wus kelangan rasa saru, wirang lan isin; sing ana ya sipat nostha golek lenaning liyan.

[K]: Pripun nalare ngenengaken daya urip niku saged nebihi memala, mbah?

[M]: Urip iku butuh daya iline banyu urip kang tansah ngerah kabecikan. Yen kowe bisa ngilekke banyu urip, patrap alamu bakal kasatan ora kailenan banyu banjur mati garing, kang tininggal mung dayaning kabecikan tumus ing karahayon, ngunu..!

[T]: Ngger, tuladhane sliramu pinuju ngelih jalaran pasa, njur ngliwati warung lan weruh sing dhahar masakan sedhep-sedhep kae. Yen sliramu njur pengin lan sengsem, kuwi tegese ngempakke rasa pengin lan sengsem ana ngarep dewe ngaling-alingi rasa liyane, ta. Semono uga yen sliramu tansah eling marang Gusti lan paugeran agama, tuwuhing rasa eling lan nuhoni paugeran ya bakale manggon ana ing ngarep dewe.

[K]: Lajeng pripun mungguhing tiyang meneng widara uleren, mbah?

[T]: Kuwi paribasan, ngger.. Tegese kaya menenge wit widara kang kebak uler. Dene werdine sing waspada marang wong kang ing tata-laire katone meneng kebak tatakrama lan subasita, nanging yektine kuwi minangka srana kanggo nutupi niyat ala.

[M]: Ya sipat candhala kang mengkono iku tuladhane wong kang ora gelem ngilekke banyu dayaning urip marang kabecikan, sipat kautaman banjur kasatan lan mati garing, sing kari mung asor nistha bebudene..

Nostalgia SMK

Nostalgia SMK Kita tak akan hilang begitu saja........

Kaya ngapa endahe mangsa-mangsa nglakoni pasinaon ing tataran sekolah lanjutan tingkat atas. Panjenengan mesthi ora bisa kelangan memori ngenani nostalgia iki. Ing jangka wektu iku, lakune urip kaya mung kabentuk dening kahanan seneng. Lakune rodha wektu kayane mung nggawa tipak-tipak pangrasa seneng lan mung nggawa sithik blethok kasedhihan.

Pancen, ana kalane sawetara sandhungan ing njerone uga tau dirasakake. Umpamane, wulangan sekolah sing angel, patrape guru sing galak, wong tuwa sing tansah nuntut supaya anak nduweni prestasi akademik apik, kanca sekolah sing culika (jahat), lan lumakune rodha kahanan ekonomi wong tuwa sing nembe rendhet.

Nanging, kanggone para bocah remaja sandhungan-sandhungan mau kena diumpamakake mung kaya dene wujud screen saver ing layar komputer. Tekane sandhungan mung arang kadhing sarta metune sandhungan mung sedhela. Sandhungan dalam masa-sama sekolah adalah hanyalah bentuk lain dari selingan!

Tetep wae mangsa-mangsa minangka murid sekolah lanjutan tingkat atas mujudake perangan panguripan (bagian hidup) sing kebak warna kembang sing endah. Kanyatan (realita) urip sing sejati mung nembe dirungu utawa dipahami kanthi wates teori ing sandhuwure kertas. Sanggan urip sing sabenere kaya dene angele nggolek pangupa jiwa iku manggon ana sandhuwure pundhak wong tuwa loro.

Nggarap tugas kurikuler bareng-bareng, nindakake praktek elektro ana laboratorium sinambi guyon cengengesan, mbolos massal, dolan menyang sekolah liyo ing selane jam piwulangan, lan ngunggah foto selfie sarta groupe mujudake perangan panguripan para siswa sekolah menengah tingkat kejuruan sing krasa endah tenan yen dieling-eling. Semono uga ngakali guru supaya antuk ijin kanggo ninggalake jam pelajaran. Marga saka iku, sakabehe sandhungan iku ora pati dirasa. Malah, anane sandhungan-sandhungan iki kaya dene jejangkep (pelengkap) nostalgia ing mangsa remaja.

Mesthi wae, mozaik carita mangsa sekolah ora bakal jangkep tanpa carita romansa. Romansa antarane bocah enom lanang lan wadon kerep dumadi ing mangsa sekolah. Mung wae, polah tingkah para remaja ing jaman saiki dadi luwih kendel tinimbang romansa jaman telung puluh tahunan kepungkur. Ing jaman saiki, romansa malah kerep diregedi dening laku omben-omben, narkoba, sex bebas sing ditindakake kanthi kendel lan ora rumangsa isin.

Mula, sepisan maneh, nalika pangripta isih nglakoni pasinaon ing SMK Binawiyata tahun 2004, Paramitha Rusadi (sawijine artis sinetron sarta biduan Pop Indonesia sing kondhang ayune) tau nembangake lagu "Nostalgia SMA Kita" sing pethilan syaire kaya sing ditulis minangka irah-irahan tulisan iki. Semono uga Obbie Messakh (komposer lan penyanyi Pop Indonesia kawentar ing dasa warsa 1980) tau ngripta lan nembangake lagu "Kisah Kasih Di Sekolah". Nanging, para bocah enom ing jaman saiki bisa weruh lagu iki saka versi re-release saka Marshanda aliyas Chacha.

"Sungguh aneh tapi nyata tak 'kan ku lupa. Kisah kasih di sekolah dengan si dia. Tiada masa paling indah..masa-masa di sekolah..."

Kawruh Jowo

Asal jeneng Jepang

Warno :"Djo kowe ngerti ora nek sing nemokke negara Jepang ki wong Jawa?".
Bedjo :"Kowe ki rak isih waras to? Yo jelas dudu nek sing nemokke wong Jawa!"
Warno :"Kowe ki nek tak kandhani mesthi ngeyel !".
Bedjo ;" Buktine opo hayooo...?".
Warno :" Tak kandhani ya sing nemokke ki jenenge TUKIYO buktine terus dinggo jeneng ibukotane negara Jepang".
(Bedjo ora wangsulan ning terus golek tugelan bata)


Asal Jeneng Norwegia

Nenek moyang orang-jawa adalah orang2 yang pernah menjelajahi seluruh belahan dunia termasuk Eropa... _*Norwegia adalah salah satu negara eropa yang ditemukan (didirikan) oleh orang jawa yang bernama*_ *Nur Wagiyo* sekitar tahun 575 M.. 
Untuk menghormati dan mengenang jasa2 beliau negara tersebut diberi nama *Norwegia* (berasal dari nama _*Nur Wagiyo*_)
yang mempunyai ibukota _*OSLO (mirip kota kelahiran Nur Wagiyo yaitu "SOLO")*_..

Sampai sekarang patung Nurwagiyo masih berdiri kokoh di pusat kota _*OSLO*_..
Ini konon kabarnya